नेपाली कांग्रेसका नेताहरुको उपस्थितीमा जनसम्पर्क समिती,अमेरीकाको कार्यक्रम हुदै
मकै हाउस टिभी एण्ड न्युज,
न्यूयोर्क । नेपाली जनसम्पर्क समिति, अमेरिकाले ‘नेपालको वर्तमान राजनितीक अवस्था’ बिषयगत अन्तरक्रिया कार्यक्रम आयोजना गर्ने भएको छ ।
उक्त अन्तरक्रिया कार्यक्रममा नेपाली कांग्रेसका भक्तपुर जिल्ला सभापति दुर्लभ थापा, नेपाली कांग्रेसकी केन्द्रीय सदस्य प्रतिमा गौतम रनेविसंघका पूर्व महामन्त्री मनोज मणि आचार्यको बिशेष आतिथ्यतामा कार्यक्रम हुने भएको हो ।
नेपाली जनसम्पर्क समिती नेपाली कांग्रेसको भातृ संगठन हो । जुन संगठनले नेपाल बाहेक संसारको कुनै पनि राष्ट्रमा रहने नेपालीकांग्रेस समर्थकहरुलाई एकतृत गरी सामाजिक भाईचाराको कार्यमा सहयोग पुर्याउने काममा सहयोग गर्दछ ।
भोली शुक्रबार हुने अन्तरक्रिया कार्यक्रममा अमेरिकाको कुनैपनि राज्यमा बसोबास गर्ने कांग्रेस समर्थक र नेपाली जनसम्पर्क समिती निकटतमहरुलाई सहभागी हुन नेपाली जनसम्पर्क समिती, अमेरीकाका महासचिब मुनिन्द्र नेम्वांगले आग्रह गरेका छन् ।
कार्यक्रम भोली जुलाई १५ शुक्रबारको दिन दिउँसो ३:०० बजे न्यूयोर्कस्थित नेपाली भान्छा घरको हलमा हुनेछ ।
