न्युयोर्कमा रहेको बाजेको सेकुवा रेष्टुरेण्टमा आगलागी
मकै हाउस न्युज, अमेरीका ब्युरो,
न्युयोर्कको ४४ स्ट्रिट र क्विन्स ब्लुभर्ड, सन्नीसाइडमा नेपालकै बाजेको सेकुवाको फ्रेन्चाइजका रुपमा संचालित चर्चित नेपाली रेष्टुरेण्ट‘बाजेको सेकुवा’ मा अगस्ट १२ बिहिबारको दिन बिहान ७:२२ बजे आगलागी भएको छ ।
आगलागीको सुरुवात बाजेको सेकुवा रेष्टुरेण्टको कर्नरमा रहेको जापानिज ग्रोसरी स्टोर ताइवो फुड्सबाट सुरु भएको र सो आगलागीलेबाजेको सेकुवा रेष्टुरेण्टको छेउमा रहेको अन्य २ वटा बिदेशि रेष्टुरेण्टलाई पनि क्षति पुर्याएको प्रत्यक्षदर्शि न्युयोर्कका चर्चित गायक राहुल राईले बताऊनु भयो ।
आगलागीबाट सबै भन्दा धेरै क्षति बाजेको सेकुवा, म्याड फर चिकेन, म्याड क्याफे र आगलागी सुरुवात भएको रेष्टुरेण्ट ताइवो फुड्सलाई भएको छ ।
आगलागी नियन्त्रणमा आउनुभन्दा अगाडि नै बाजेको सेकुवा लगायतका अन्य व्यवसायमा आगलागी फैलिएको थियो ।
आगलागीको कारण ठुलो नोक्सान भएको जनाऊदै बाजेको सेकुवाले अब कम्तीमा एकमहिनासम्म रेष्टुरेण्ट खुल्ने अवस्था नरहेको कुरा सामाजिक सञ्जालमा जनाएको छ ।