बुद्ध ट्याक्स एण्ड एकाउन्टिंगको ‘मिस नेपाल युएसए २०२१’ बिजयीलाई नगद उपहार
मकै हाउस न्युज, न्युयोर्क
अमेरिका, न्युयोर्क स्थित क्विन्स थिएटरमा भर्खरै सम्पन्न मिस नेपाल युएस, २०२१ का ३ जना बिजेता मिस नेपाल युएसए २०२१ प्रतिक्षा शुक्ला, फर्स्ट रनर अप कला न्यौपाने र दोश्रो रनर अप अलिशा लिम्बुलाई बुद्ध ट्याक्स एण्ड एकाऊन्टिंग, न्युयोर्कका संस्थापक तथा पब्लिक एकाउन्टेन्ट पशुपति श्रेष्ठले आफ्नै हातबाट प्रतियोगी बिजेताहरुलाई अमेरीकी डलर १५००, १००० र ५०० को चेक मार्फत नगद प्रदान गरेको छ ।
“यस्तो ब्यक्तित्व बिकास हुने प्लेटफर्ममा हाम्रो चेलीहरुले प्रदर्शन गरेको आ–आफ्नो क्षमता निकै नै प्रसंशनिय छ । र बिजयी भएकाचेलीहरुको हौसला र अझै आगामी दिनहरुमा राम्रो गर्न उत्प्रेरित होस् भनि हौसला स्वरुप म र हाम्रो बुद्ध ट्याक्स एकाउन्टेन्टको तर्फ बाट हामीले नगद पुरस्कार हस्तान्तरण गरेका हौ”:- पशुपति श्रेष्ठ, संस्थापक/पब्लिक एकाउन्टेन्ट, बुद्ध ट्याक्स एण्ड एकाउन्टेन्ट
प्रतियोगीताको ताज पहिरिएकी प्रतिक्षा शुक्ला कोलोराडो निबासि हुन् । उनले दस जना प्रतिस्पर्धीलाई पछि पादै ताज पहिरिएकी हुन्।