अन्तराष्ट्रिय तेक्वान्दो अनलाइन पुम्से च्याम्पियनसिपमा ३ नेपालीलाई स्वर्ण पदक 

मकै हाउस न्युज, अमेरिका ब्युरो,

डिजी तेक्वान्दो फिलिपिन्स र ओङ तेक्वान्दो युएसको संयुक्त आयोजनामा आइतबार सम्पन्न च्याम्पियनसिपमा नेपालका तीनखेलाडीले डिजी एसियन तेक्वान्दो ओपन अनलाइन पुम्से च्याम्पियनसिपमा स्वर्ण पदक जितेका छन् ।

नेपालका लागी स्वर्ण पदक बिजेताहरुमा प्रेम कुमार दर्नाल ४०-५० बर्ष उमेर समुह, संजिब नेपाली ३०-४० बर्ष उमेर समुह, सन्दिपाअमगाई महिला १८-३० बर्ष उमेर समुहमा स्वर्ण पदक जितेका हुन् ।

नेपालबाट प्रेमकुमार दर्नालले  कुल ५ दशमलव ०६७ स्कोर बटुल्दै अमेरिकाका टिम ओमिरालाई हराएका थिए भने थोरै स्कोरले पछिपरेका टिमले ५ स्कोर बटुलेका थिए ।त्यस्तै गरी

सञ्जीव नेपालीले  अमेरिकाका क्लिभ कोल्लाडोलाई हराउँदै स्वर्ण पदक जितेका हुन् । सञ्जीवले ५।४३३ स्कोर प्राप्त गर्दा क्लिभले४दशमलव४८३ स्कोर जोडेका थिए । महिला १८–३० वर्षमुनि उमेर समूहमा सन्दीपा अमगाईंले पनि अमेरिकाकै सानोन मास्देनलाईहराउँदै स्वर्ण चुमिन् । सन्दीपाले ५ दशमलव ५०० स्कोर र सानोनले ५ दशमलव ४०० स्कोर प्राप्त गरेकी थिइन् ।

गत जुलाई ३१ देखि सञ्चालन भएको पुम्से च्याम्पियनसिपमा आयोजक टोली अमेरिका, फिलिपिन्स, अस्ट्रेलिया, सिंगापुर, स्लोभानियार इन्डोनेसियाका खेलाडीले प्रतिस्पर्धा गरेका थिए ।