संखुवासभामा भएको सामूहिक हत्याकाण्डमा थप ६ जना पक्राउ, रहस्यमय बन्दै घटना

मादी नगरपालिका–१, खोलागाउँमा भदौ २८ गते भएको सामूहिक हत्या घटना झनै रहस्यमय बन्दै गएको छ । थप ६ जनामाथि प्रहरीले अनुसन्धान सुरु गरिरहेको छ । हत्यामा संलग्नभएको आरोपमा पक्राउ परेका लोकबहादुर कार्कीका भाइ नरेश कार्की र उनका बुबा, काका, काकी र दुई छोराहरू माथि प्रहरीलेअनुसन्धान अघि बढाएको छ । 

हत्या आरोपित लोकबहादुर र उनका भाइ नरेशबाहेक अन्य ५ जनामाथि अनुसन्धान थालिएको अनुसन्धानमा संलग्न प्रहरी अधिकृतलेजनाएको छ । तर अहिलेसम्म प्रहरीले उनीहरूलाई नियन्त्रणमा लिएको आधिकारिक जानकारी भने कसैलाई दिएको छैन ।

प्रहरीले आफ्नो भनाइ राख्दै अनुसन्धानका क्रममा रहेकाले अहिले नै सबैको विवरण सार्वजनिक गर्न नमिल्ने जनाएको छ ।

लोकबहादुरका भाई नरेशको साथबाट मृतक रञ्जना कार्कीको मोबाइल फेला परेपछि प्रहरी अनुसन्धान लम्बिएको हो ।

लोकबहादुर र नरेशसँगको बयानका आधारमा प्रहरीले थप ५ जनालाई अनुसन्धानको दायरामा ल्याएको हो ।

घटनाको सातौं दिन अभियुक्त लोकबहादुर कार्कीलाई पक्राउ गरी प्रहरीले सार्वजनिक गरेको थियो । मृतक रञ्जनाको हराएको मोबाइलप्रहरीले फेला पारेपछि अनुसन्धान टोली पुनः घटनास्थल केन्द्रित बनेको जिल्ला प्रहरी कार्यालय संखुवासभाका प्रहरी नायब उपरीक्षकलालध्वज सुबेदीले बताउनु भयो । हत्या आरोपमा पक्राउ परेका लोकबहादुरको घरबाट गत बिहीबार मोबाइल भेटिएको थियो ।

घटना घटेको समयको बिहानदेखि नै रञ्जनाको मोबाइल

हराएको थियो । मोबाइल स्वीच अफ भएकोले प्रहरीले सम्भावित ठाउँमा खोजी गरिरहेको थियो । घटनाबारे थप प्रमाण फेला परेपछिसंघीय इकाई प्रहरी कार्यालय धरानका एसपी भीम दाहालको नेतृत्वमा प्रदेश १ प्रहरी कार्यालयबाटसहित ६ जनाको टोली घटनास्थलपुगेर पुनः अनुसन्धान सुरु गरेका छन् ।

घटनामा अन्य व्यक्तिहरूको समेत संलग्नता भएको आशंका भएपछि फेरि अनुसन्धान सुरु गरिएको प्रहरीको भनाइ छ । थप अनुसन्धान रसुरक्षाका लागि इलाका प्रहरी कार्यालय चैनपुरका प्रहरी निरीक्षक योगराज खतिवडासहितको १० जनाको टोली घटनास्थलमै थियो ।हत्याको आरोपमा गत आइतबार प्रहरीले लोकबहादुरलाई पक्राउ गरेर सार्वजनिक गरिसकेको छ । उनलाई भदौ २८ गते बिहान मादी–१स्थित तेजबहादुर कार्कीसहित उनकी आमा पार्वता, श्रीमती मनमाया, बुहारी रञ्जना, नाति दीपक र नातिनी गोमा कार्कीको बीभत्सरूपमा सामूहिक हत्या गरेको आरोप छ ।