कोभिडको नयॅा भेरियन्ट ओमिक्रोनको सुनामी आउँदैछ : डब्लू.एच.ओ.
मकै हाउस टिभी एण्ड न्युज,
न्युयोर्क । युरोप र अमेरिकामा कोभिड संक्रमितहरुको संख्या ह्वात्तै बढीरहेको र कोभिडको नयाँ भेरियन्ट ओमिक्रोन र डेल्टाका कारण संक्रमितको संख्यामा सुनामी आउन सक्ने विश्व स्वास्थ्य संगठन (डब्लूएचओ) का प्रमुख डा. टेड्रोस एड्हानोम गेहब्रेयससले चेतावनी दिएका छन्।
डा. गेहब्रेयससले भनेका छन् : ‘स्वास्थ्य प्रणालीहरू काम गर्न नसक्ने अवस्थामा पुगेका छन् भने स्वास्थ्यकर्मीमा चाप थपिएको छ ।कोभिडको नयाँ भेरियन्टले संक्रमितको सुनामी ल्याउनेछ,’।
विश्व स्वास्थ्य संगठनका अनुसार विश्वभर दैनिक नौ लाखभन्दा बढी संक्रमित थपिएका छन् । संक्रमण फैलिए पछि विभिन्न देशहरुले बुस्टर डोज दिन सुरु गरेका छन् ।
युरोपका विभिन्न देशहरुमा भने लकडाउन र नयाँ प्रतिबन्धहरु घोषणा गरिसकेका छन् ।
छिमेकी मुलुक भारत समेतले राजधानी नयाँ दिल्लीलगायत केही राज्यमा रात्रीकालीन कर्फ्यु घोषणा गरिसकेका छन् । फ्रान्स रबेलायतमा अप्रत्यासित रुपमा दैनिक संक्रमितहरुको संख्या तिब्र गतिमा बढ्दो छ ।