तामांग समाज अमेरीकाको ‘ल्होछार’ कार्यक्रम (फोटो सहीत)
मकै हाउस टिभी एण्ड न्युज,
न्यूयोर्क । तामाङ समाज अमेरिकाले भब्यता पुर्वक न्यूयोर्कमा सोनाम ल्होछार कार्यक्रम सम्पन्न गरेको छ ।
तामाङ समुदायको महान पर्व सोनाम ल्होछार २८५८ औं ताक/च्यान (बाघ वर्ग) को अवसरमा न्युयोर्कको क्विन्स स्थित गुल्सन टेरासहलमा शनिबार साँझ ८:०० बजे बाट सुरु भई २:०० बजे चलेको उक्त कार्यक्रममा न्युयोर्क र आसपासको क्षेत्रमा बसोबास गर्ने नेपालीहरुको बाक्लो उपस्थिती रहेको थियो ।
कार्यक्रमको औपचारिकता संस्थाकी अध्यक्ष विनिता तामाङको सभापतित्वमा भएको कार्यक्रममा नेपाल महाबाणिज्यदुतावासको कार्यालय न्युयोर्कका बाणिज्यदुत गणेश अधिकारीले प्रमुख आथित्यता ग्रहण गर्नु भएको थियो ।
कार्यक्रममा लोक तथा दोहोरी गायक मिलन लामा, ट्रान्सजेन्डर मोडल अन्जली लामा, वरिष्ठ म्हेन्दोमाया गायक हेम वाइबाको बिशेषप्रस्तुति रहेको थियो भने कार्यक्रममा पुर्ब मिस नेपाल युनिभर्स नग्मा श्रेष्ठ, आशिका शर्मा, मोडल/नायिका रंजिता गुरुंग र संस्थालाई प्रतिनिधित्व गरी पाल्नु भएका बिशेष पाहुनाहरुको साथै बिशेष गरी कार्यक्रममा युबाहरुको उल्लेख्य उपस्थिती रहेको थियो ।
नेपालबाट पाल्नु भएका कलाकारहरुको प्रस्तुति संगै न्युयोर्कमा बसोबास गर्ने कलाकारहरुको पनि उत्कृष्ट प्रस्तुति रहेको थियो ।
“हाम्रो संस्कार, संस्कृति, परम्पराको संरक्षण र प्रवर्द्धनको लागि हरेक वर्ष न्यूयोर्कमा ल्होछार कार्यक्रम मनाउँदै आएको र आफ्नो देश होस् वा प्रवासमा होस् तामांग समुदाय मात्रै नभैकन जो कोही नेपालीलाई पनि र समुदायको हितको लागी तामांग समाज अमेरीकाको क्षमताले भ्याए सम्म सहयोग पनि गर्दै आईरहेको र भबिष्यमा पनि निरन्तर गर्दै जाने र आजको कार्यक्रममा पाल्नु भएका सम्पुर्ण पाहुनाहरुलाई धन्यबाद पनि दिनु चाहन्छु ।” बिनिता तामांग, अध्यक्ष, तामांग समाज अमेरीका
फोटो क्रेडीट :- राजु वली
