न्यायको माग गर्दै आमरण अनसनमा रहेकी निहारिका र सरकार बिच ५ बुँदे सहमति
मकै हाउस टिभी एण्ड न्युज,
काठमाडौँ । गत जेष्ठ २७ गतेदेखि आफ्नो न्यायको माग गर्दै आमरण अनशनमा बसेकी निहारिका राजपुत र सरकारबीच बिहिबार ५ बुँदे सहमति भएपछि उनले अनशन तोडेकी छन् ।
आमरण अनसनमा बसेकी महोत्तरी जलेश्वर नगरपालिका ९ की निहारिका राजपुतले गृहमन्त्री बालकृष्ण खाँणको हातबाट जुस पिएरअनसन तोडेकी हुन् । राष्ट्रिय महिला आयोगकी सदस्य कृष्णा पौडेल खतिवडाको पहलमा सरकारी प्रतिनिधिसँग सहमति भएपछि उनलेगृहमन्त्री खाँणको हातबाट जुस पिएर अनसन तोडेकी हुन् ।
सहमति पत्रमा उल्लेखित भए अनुसार दुई पक्षबीच प्रतिवादी शिवराम श्रेष्ठ र निहारिकाको छोराको डीएनए परीक्षणको कानुनी प्रक्रियाअघि बढाउन पहल गर्ने, निहारिका र उनका छोराको सुरक्षा आवास व्यवस्थापनका लागि गृह मन्त्रालय र महिला बालबालिका तथा ज्येष्ठनागरिक मन्त्रालयमार्फत पहल गर्ने, अनशनकर्ताको आर्थिक सहायताका लागि गृह मन्त्रालयमार्फत पहल गर्ने, राज्यका सम्पूर्ण निकायपीडितमैत्री न्याय बनाउन पहल गर्ने लगायतका कुरा सहमति पत्रमा भएको छ ।
सहमतिपत्रमा गृहका सहसचिव शिवराम पोखरेल, उपसचिव वसन्त भट्टराई, निहारिका, सावित्री सुवेदी, सुनिता गौतम र लोग्शरी कुवरलेहस्ताक्षर गरेका छन् ।
