‘लाईफ ईन एल.ए.’ न्युयोर्कमा प्रदर्शन हुदै
मकै हाउस टिभी एण्ड न्युज,
न्युयोर्क । अमेरीकामा बनेको नेपली चलचित्र “लाईफ ईन एल.ए.” न्युयोर्कमा प्रदर्शन हुने भएको छ ।
सुर्य नारायण श्रेष्ठको निर्देशनमा तयार भएको चलचित्र ‘लाईफ ईन एलए’ संयुक्त राज्य अमेरीकाको लस एन्जल्स र वरीपरीको क्षेत्रमा शुटिंग गरिएको हो । लस एन्जल्सको जिवन शैलीलाई चलचित्रमा उतार्न खोजिएको छ । चलचित्र बास बिसु ‘बास ईन्टरटाईन्मेन्ट’को लगानीमा तयार भएको हो ।
चलचित्रमा नायिका द्वय अकेशा बिष्ट, शिल्पा मास्के र नायक बास बिसुको मुख्य भुमिका रहेको छ ।
अंजित गुरुंग, शंकर बिसुन्के, पासांग शेर्पा र बास बिसुको संयोजन र पशुपती श्रेष्ठ (बुद्ध एकाउन्टिंग)को सहगोर्थमा नेपाली चलचित्र ‘लाईफ ईन एलए’ न्योयुर्कमा प्रदर्शन हुन लागेको हो ।
उक्त चलचित्र अगस्ट २१,२०२२ (आईतबार)को दिन न्युयोर्कको एस्टोरिया स्थित रेगल युए कौफम्यान थिएटरमा सॅाझ ५ः३० बजेको शोमा प्रदर्शन हुने भएको छ ।
