स्याङ्जा समाज अमेरिकाद्वारा शुभ दीपावलीको अवसरमा बिशेष कार्यक्रम हुने

मकै हाउस मिडिया, 

न्युयोर्क : नेपाली कला, संस्कृति र परम्परालाई संरक्षण तथा प्रवर्द्धन गर्ने उद्देश्यका साथ स्याङ्जा समाज अमेरिका (Syangja Samaj America Inc.) ले यस वर्षको शुभ दीपावलीको पावन अवसरमा बृहत् देउसी-भैलो कार्यक्रमको आयोजना गर्ने भएको छ।

समाजले एक फ्लाएर जारी गर्दै सम्पूर्ण शुभचिन्तक तथा समुदायका सदस्यहरूलाई कार्यक्रममा सहभागी हुन हार्दिक निमन्त्रणा गरेको छ।

कार्यक्रमको विवरण यस प्रकार छ:

मिति: अक्टोबर १७, शुक्रबार

 समय: बेलुका ६:०० बजेदेखि

स्थान: नेपाली भान्छा घर, ज्याक्सन हाइट्स

शुभ दीपावलीको सुखद उपलक्ष्यमा आपसी सद्भाव र रमाइलो साट्ने उद्देश्यले आयोजना गरिएको यस सांस्कृतिक कार्यक्रममा सहभागी भई दीपावलीको गरिमा बढाउनका लागि समाजले सबैलाई विनम्र अनुरोध गरेको छ।

स्याङ्जा समाज अमेरिकाद्वारा आयोजित यस कार्यक्रमलाई नेपाली भान्छा घरले सहआयोजकको रूपमा साथ दिएको छ।

स्याङ्जा समाज अमेरिकाले यो कार्यक्रम समस्त नेपालीहरूका लागि सुख, शान्ति, सुस्वास्थ्य तथा दीर्घायुको कामना गर्दै आफ्नो कला र संस्कृतिलाई प्रवासमा पनि जीवन्त राख्ने महत्वपूर्ण प्रयास भएको जनाएको छ। कार्यक्रममा उपस्थित भई सांस्कृतिक कार्यक्रमको अवलोकन गर्न र दीपावलीको शुभकामना आदानप्रदान गर्न समाजले सबैलाई आग्रह गरेको छ।