इनिशा बीके प्रकरणको अनुसन्धान तीव्र, २० सदस्यीय विशेष टोली परिचालन

मकै हाउस मिडिया, 

सुर्खेत । इनिशा बीकेसँग सम्बन्धित घटनाको अनुसन्धानलाई तीव्र बनाउन प्रहरीले करिब २० जना अधिकारीहरूको विशेष टोली परिचालन गरेको छ। उक्त टोलीमा सुर्खेत जिल्ला प्रहरी कार्यालयका अधिकारीहरू, केन्द्रीय अनुसन्धान ब्युरो (CIB) का प्रतिनिधि तथा प्रदेश नेपाल प्रहरीका अधिकारीहरू समावेश रहेका छन्।

अनुसन्धान टोलीले घटनासँग सम्बन्धित व्यक्तिहरूको कल डिटेल रेकर्ड (CDR) अनुसन्धान गरिरहेको छ भने विभिन्न स्थानका CCTV फुटेजहरू पनि अनुगमन गरिरहेको प्रहरीले जनाएको छ। साथै सोधपुछका क्रममा केही व्यक्तिहरूमाथि पोलिग्राफ (lie detector) परीक्षण समेत प्रयोग गरिएको स्रोतले जनाएको छ।

प्रहरीका अनुसार घटनाको अनुसन्धान अझै जारी रहेको छ र यस प्रकरणमा संलग्न जो–कोहीलाई पनि छिट्टै कानुनी दायरामा ल्याइने बताइएको छ। प्रहरीले प्रमाण संकलन तथा तथ्यहरू विश्लेषण गर्दै घटनाको वास्तविकता सार्वजनिक गर्ने तयारी गरिरहेको जनाएको छ।