सोमनाथलाई विजयी बनाउन जुन २२ मा भव्य कार क्याराभान र्याली, सबैलाई सहभागी हुन आह्वान
मकै हाउस सामुदायिक मिडिया
अक्कल तामाङ
न्यूयोर्क, क्वीन्स। आगामी जुन २२ मा समुदायको एकता, सहभागिता र नेतृत्वप्रतिको समर्थनलाई सशक्त रूपमा प्रस्तुत गर्ने उद्देश्यले “Vote for Somnath” अभियानअन्तर्गत भव्य कार क्याराभान र्याली आयोजना गरिने भएको छ।
आयोजकहरूले क्वीन्स तथा आसपासका क्षेत्रका सम्पूर्ण समुदाय सदस्य, युवा, महिला, व्यवसायी, सामाजिक अभियन्ता तथा शुभेच्छुकहरूलाई उत्साहपूर्वक सहभागी हुन आग्रह गरेका छन्। यो र्याली केवल एक उम्मेदवारको समर्थन मात्र नभई समुदायको आवाज, प्रतिनिधित्व र साझा भविष्यप्रतिको प्रतिबद्धताको प्रतीक भएको आयोजकहरूको भनाइ छ।
र्यालीको कार्यक्रम यस प्रकार हुन्छ :
सुरुआती स्थान: 61st Queens Boulevard
मार्ग: 69th Street हुँदै Grand Avenue, Queens Boulevard, Broadway हुँदै Diversity Plaza सम्म
समापन स्थान: Diversity Plaza
समय: दिउँसो २:०० बजे देखि ४:०० बजेसम्म
आयोजकहरूले सबै सहभागीहरूलाई आफ्नो सवारी साधनमा अभियानका झण्डा, ब्यानर तथा समर्थनका सन्देशहरू सजाएर आउन अनुरोध गरेका छन्। र्यालीले क्वीन्सका विभिन्न सडकमार्ग हुँदै यात्रा गर्ने भएकाले समुदायको उत्साह र एकताको सन्देश हजारौं मानिससम्म पुग्ने अपेक्षा गरिएको छ।
लोकतन्त्रमा प्रत्येक आवाजको महत्व हुन्छ। समुदायको प्रतिनिधित्व गर्ने सक्षम नेतृत्वलाई अगाडि बढाउन नागरिकहरूको सक्रिय सहभागिता आवश्यक हुन्छ। त्यसैले आयोजकहरूले यस र्यालीलाई समुदायको शक्ति, एकता र जिम्मेवारी प्रदर्शन गर्ने सुनौलो अवसरका रूपमा लिन आग्रह गरेका छन्।
“हाम्रो सहभागिता केवल उपस्थितिमा सीमित हुँदैन; यसले हाम्रो समुदायको भविष्यप्रतिको चासो, जिम्मेवारी र प्रतिबद्धता पनि देखाउँछ,” आयोजकहरूको सन्देशमा उल्लेख गरिएको छ।
समुदायको प्रगति, प्रतिनिधित्व र सकारात्मक परिवर्तनको पक्षमा हुनुहुन्छ भने, जुन २२ को दिउँसो २ बजे आफ्नो परिवार, साथीभाइ तथा शुभेच्छुकहरूसँग उपस्थित भई यस ऐतिहासिक कार क्याराभान र्यालीलाई सफल बनाउन योगदान दिनु हुन आयोजले अनुरोध गरेको छ ।
“एकता, सहभागिता र परिवर्तनका लागि आउनुहोस्, हातेमालो गरौं, आवाज उठाऔं र समुदायको शक्तिलाई एकसाथ प्रदर्शन गरौं।”