मेरो जित, चेपाङ गाउँ र आग्रा खोलाका बच्चाहरूमा समर्पित हुनेछ, स्नेहा रुपाखेती

मकै हाउस मिडिया, 

न्युयोर्क । आगामी अगस्ट २, २०२५ का दिन न्युयोर्कको क्विन्स स्थित मेलरोज बलरुममा हुने मिस नेपाल नर्थ अमेरिका २०२५ मा बिजयी भयो भने आफ्नो जित परिवर्तन, चेपाङ गाउँ र आग्रा खोलाका बच्चाहरू प्रती समर्पित हुने प्रतियोगी स्नेहा रुपीखेतीले आफ्नो सामाजिक संजाल फेसबुक मार्फत प्रतिबद्धता जनाएकी छिन् । 

टेक्सस राज्यलाई प्रतिनिधित्व गर्दै प्रतियोगीको रुपमा सहभागी हुदै यस् सिजनको मिस नेपाल नर्थ अमेरिका २०२५ को ताज पहिरिने बिश्वास लिएकी रुपाखेतीले आफुले जिते परिवर्तनका लागी आवाज उठाउने र चेपाङ गाउँ र आग्रा खोलाका बच्चाहरूका निमित्त सहयोग पुर्याउने समेत प्रतिबद्धता ब्यक्त गरेकी छिन् । 

स्नेहाले प्रतिबद्धता गरेको स्टाटस यहॅा तल राखिएको छ । 

“मेरो लागि होइन, आवाजका लागि भोट गर्नुहोस्। आशाका लागि भोट गर्नुहोस्। परिवर्तनका लागि भोट गर्नुहोस्। 🌸
मेरो नाम स्नेहा रुपाखेती हो, र म Miss Nepal North America 2025 को लागि चयनित फाइनलिस्ट बनेकी छु।
तर यो यात्रा केवल मेरो होइन—
यो चेपाङ गाउँ र आग्रा खोलाका ती बच्चाहरूको हो,
जसलाई मैले आफ्नो आँखै अगाडि संघर्ष देखेकी छु, अनि जसका लागि मैले एउटा वाचा गरेकी छु।

९–१० वर्षका नानीहरूले ढुंगा, बालुवा, र गिट्टी बोक्दै
खतरनाक खोलामा काम गरिरहेका छन्—
केवल एक मुठी चामलका लागि।

साना केटीहरू विवाहमा धकेलिन्छन्।
बुढी आमाहरू भारी बोकेर जीवन गुजार्दै छन्।
स्कुल जानुपर्ने उमेरमा ती बच्चाहरू काम गर्न बाध्य छन्।

र मैले तिनीहरूलाई वाचा गरेकी थिएँ—
“एक दिन म तिमीहरूको आवाज बन्नेछु।”

त्यो दिन आज हो।
त्यो मौका अहिले छ।
तर म त्यस मञ्चमा उभिन तपाईंको भोट बिना अधूरी छु।

जब तपाईं मलाई भोट गर्नुहुन्छ,
तपाईं एक जना प्रतिस्पर्धीलाई मात्र होइन—
ती आवाजहीन बच्चाहरूलाई पनि साथ दिइरहनुहुन्छ।
तपाईं त्यो सानो गाउँकी एउटी केटीको सपना देखिरहनुहुन्छ—
जसले आफ्नो पीडा बाट शक्ति बनाइन्।

तपाईंको एउटा भोट, एउटा जीवन बदल्न सक्छ।
तपाईंको भोटले ती बच्चाहरूको कथा संसारभर सुनाइदिन सक्छ।

🙏 म स्नेहा रुपाखेतीलाई भोट दिनुहोस्।
न्यायका लागि, आवाजका लागि, सपना पुरा गर्नका लागि।
मात्र crown लागि होइन—म यो आवाज बोकेर उठ्न चाहन्छु।

तपाईंको साथ, हामी सबैको जित हुनेछ।
तपाईंको साथ, फेरि कुनै बच्चाले सपना देख्न डराउनु पर्ने छैन।

मनदेखि धन्यवाद।
हामी सँगै उठ्नेछौं। ❤️“ 

स्नेहालाई बिजयी गराउनको लागी फ्लाएरमा राखिएको क्यूआर कोडलाई स्क्यान गरी भोट र समर्थन गर्न सक्नु हुनेछ ।