युकेमा नेपाली विद्यार्थी युबिन तामाङलाई कारले ठक्कर दिई मारेर भागेको अभियोगमा ब्रिटिश र्यापर घेट्सलाई जेल सजाय
मकै हाउस मिडिया,
पुरस्कार विजेता बेलायती र्यापर Ghetts, जसको वास्तविक नाम जस्टिन क्लार्क स्यामुएल (Justin Clarke Samuel) हो, उनलाई २० वर्षे नेपाली विद्यार्थी युबिन तामाङको मृत्यु भएको हिट-एण्ड-रन दुर्घटनाको घटनामा १२ वर्षको जेल सजाय सुनाइएको छ।
यो घटना १८ अक्टोबर २०२५ मा लन्डनको उत्तर–पूर्वी क्षेत्र इलफोर्ड (Ilford) मा भएको थियो, जहाँ सडक दुर्घटनामा परेर तामाङको ज्यान गएको थियो। उक्त घटनामा स्यामुएलले खतरनाक तरिकाले गाडी चलाउँदा दुर्घटना भएको ठहर गर्दै इङ्ल्यान्ड र वेल्सको सेन्ट्रल क्रिमिनल कोर्ट “ओल्ड बेली” (Old Bailey) ले उनलाई दोषी ठहर गरेको हो।
अदालतका न्यायाधीश मार्क लुक्राफ्ट (Judge Mark Lucraft) ले ४१ वर्षका स्यामुएललाई १२ वर्षको कारावास सजाय सुनाउँदै १७ वर्षसम्म गाडी चलाउन प्रतिबन्ध समेत लगाएका छन्।
अदालतमा स्यामुएलले खतरनाक तरिकाले गाडी चलाउँदा तामाङको मृत्यु भएको स्वीकार गरेका छन् ।
