न्युयोर्कमा हाल सम्मकै उच्च राशिको खेलकुद प्रतियोगिता ‘फिप्ना कप २०२१’सम्पन्न

मकै हाउस न्युज, अमेरिका ब्युरो,

यो साता (अगष्ट ७-८) न्युयोर्कको क्विन्सब्रिज पार्कमा २७ औ विश्व आदिवासी दिवस २०२१ को अवसरमा नेपाल आदिवासी जनजातिमहासंघ, अमेरीका (फिप्ना) द्वारा भलिबल तथा फुटबल प्रतियोगिता ‘फिप्ना कप २०२१’ सम्पन्न भएको छ ।न्युयोर्कमा हुने कार्यक्रम मध्यहालसम्मकै सर्वाधिक ठूलो पुरस्कार राशी भएको आयोजकले जनाएको छ । 

१४ टिम सहभागी भएको भलिबल खेलको उपाधी नेपस्टार डालस टेक्सास ले जितेको छ भने तमु गुरूङ सोसाइटी दोस्रो भएको छ ।त्यस्तैगरी १८ टिम सहभागी फुटबलमा न्यूयोर्क फुटबल क्लब प्रथम भएको छ भने याक फुटबल क्लब दोस्रो भएको छ । विजेताखेलाडीहरूलाई क्रमश: प्रथम पुरस्कार नगद $५,००० र दोस्रो $३,००० सहित कप , मेडल तथा प्रमाण पत्र हस्तांतरण गरीएको छ ।

फिप्ना द्वारा आयोजित फिप्ना कप भलिबल र फुटबल २०२१ को संयोजक तथा व्यवस्थापनमा फुटबल तर्फ संयोजक सुमन थामेसुहाङतथा सह संयोजकहरू – वाङला लामा , कुमार शेरचन, अजित गुरूङ, सेहाङ नेम्बाङ र बुद्वी गुरूङ रहेका थिए । त्यस्तै गरी भलिबलखेलको संयोजक याम पुन र सह संयोजकहरू क्रमश: हरी राना , जित गुरूङ, मन प्रसाद रोक्का , पासांङ लामा, ईन्द्र थापा ,सुजलछन्त्याल, दिप ब रानामगर, विकास घर्तीमगर रहेको सचिवाल टिमले काम गरेका थिए ।

दुई दिनसम्म सन्चालन भएको फिप्ना कप २०२१ ले नेपाली अमेरीकन समुदायमा युवा तथा खेलकुदको माध्यम मार्फत नेपाली अमेरीकनपहिचान स्थापित गराउने अभियान रहेको आयोजक नेपाल आदिवासी जनजाति महासंघ अमेरीकान अध्यक्ष लोक चेम्जोङले बताउनुभयो ।फिप्ना कप २०२१ लाई न्यूयोर्क राज्य सभा सदस्य मा. जेनिफ़र राजकुमार, नेपाली महावाणिज्य दुतावासका का.वा. महावाणिज्यदुत विष्णु प्रसाद गौतम, ब्रुक्लिङ बोरो प्रेसिडेण्ड एरिक एडम , एनआरएनए एनसिसि अमेरीकाका अध्यक्ष बुद्दी सुवेदी लगायत विभिन्ननेपाली अमेरीकन समुदायमा क्रियाशील संघ संस्थाका प्रमूख तथा प्रतिनिधिहरूले बधाई तथा शुभकामना व्यक्त गर्नुभएको छ ।

प्रविधिक टोली , स्वयंसेवक र खेलाडीहरूको उत्साहजनक सहभागीता र सहयोगले फिप्ना कप २०२१ खेल महोत्सवको रूपमा सम्पन्नभएको फिप्नाका महासचिव नरेन्द्र थापाले      बताउनु भयो ।